Жаңылыктар

Теміржол желісі мемлекетіміздің дамуына айтарлықтай үлес қосып жүрген болса, теміржолшы мамандығы елге қадірлі, қашан да өз дәрежесінде қасиетті. Елімізде тамыз айының алғашқы жексенбісі көлік және байланыс саласы қызметкерлерінің төл мерекесі ретінде аталып өткен болатын.
Осы орайда тамыз айының 5-ші жұлдызында Астана қаласының 20 жылдығы Ұлы дала әуені жобасы аясында Қарағанды қаласының Сұрыптау стансасындағы «Теміржолшылар» Мәдениет сарайында атаулы мерекеге арналған концерттік іс-шара ұйымдастырылды.

«Нұр Отан» партиясы «Тұрғын үй құрылыс жинақ банкі» акционерлік қоғамы мен халық арасында алтын көпір болып, қос тарапты жолықтырып, мәселенің мәнісін тарқатуға ерекше назар аударып отыр. Осыған орай тамыз айының 1-ші жұлдызында «Нұр Отан» партиясы Саран қалалық филиалының қоғамдық қабылдау бөлмесінде «Тұрғын үй құрылыс жинақ банкі» АҚ өкілдері қала тұрғындары үшін кездесу ұйымдастырған болатын.

2018 жылғы 31 шілдеде Саран қаласының мәдениет үйінде қалалық Тілдерді дамыту орталығының ұйымдастыруымен Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасын жүзеге асыру аясында және балалардың үш тілді меңгеруін жетілдіру мақсатында «Полиглот» атты қалалық байқау өтті.

Біз бүгінде өркениетті еліміздің дамуына тұсау, кемелденуіне кедергі келтірер қоғамдық дертке айналған сыбайлас жемқорлықпен күресудеміз. Жемқорлық дертіне қалай душар болдық?! Онымен күресті қайдан, қалай бастағанымыз дұрыс?! Қазіргі көпшіліктің басты арманы – бай болу. Баю үшін ар, намысынан бас кешетіндер де біздің қоғамымызда жетерлік. Адамға ақша қызмет етпей, адам ақшаға қызмет ететін түсінік қалыптасқалы бері оның санасы уланды, дүниенің құлына айналды. Жемқорлықтың да бастауы осыдан. Осы қағиданы бұзбай қоғамдағы жемқорлықты жоя алмаймыз.

Халқымыздың біртуар перзенттерінің бірі Ахмет Байтұрсынұлы айтып кеткендей, «Ұлттың сақталуына да, жоғалуына да себеп болатын нәрсенің ең қуаттысы – тілі». Сондықтан елдігімізді сақтап қалудың бірден-бір жолы – тіліміздің мәртебесін көтеру. Мемлекеттік тіл өз мәртебесіне толыққанды ие болуы үшін ол тілді таңбалайтын мемлекеттік алфавит болуы тиіс.

25 шілдеде «Қазақстанның тұрғын үй құрылыс жинақ банкі» АҚ Қарағанды облыстық филиалының қызметкерлері Тұрғын үй құрылыс жинақ банкінің бағдарламалары бойынша баспана алу шарттарын азаматтарға түсіндіру мақсатында Саран қаласының өртке қарсы қызметі мен Төтенше жағдайлар бөлімінің қызметкерлерімен кездесу өткізген болатын.
Мобильді топ мүшелері Сейітов Аслан мен Жабаева Әлия 7-20-25, «Нұрлы жер», «Өз үйім» бағдарламалары бойынша ипотекалық тұрғын үй кредиттерін алудың стандартты талаптарымен таныстырды.

19 шілдеде «Нұр Отан» партиясы Саран қалалық филиалының партиялық бақылау комиссиясының төрағасы, қалалық мәслихаттың депутаты Ж. Жаяубаевтың басшылығымен партиялық бақылау комиссиясының көшпелі отырысы өтті.
Көшпелі отырысқа қалалық мәслихаттың депутаттары С. Чернышев, Н. Тажибаева, Қоғамдық кеңестің мүшесі А. Бланкин, «Саран қаласының тұрғын үй коммуналдық шаруашылығы, жолаушылар көлігі, автомобильдік жолдар және тұрғын үй инспекциясы бөлімі» ММ бас маманы Мұхтар Айдын және мердігер ұйым қатысты.

20 шілдеде Саран қаласы әкімдігінің конференц залында Тұрғындардың денсаулығын сақтау жөніндегі үйлестіруші кеңестің отырысы өткен болатын. Аталған жиынға үйлестіруші кеңестің мүшелері мен БАҚ өкілдері қатысты.

Өткен аптада аралас жекпе-жектен «Арыстан» клубында «ASIA OPEN» халықаралық ашық турниріне дайындық шеңберінде «TEMIR PRIDE»және «Золотой дракон» клубтарының қатысуымен бірлескен жаттығулар өткізілді.
Ептілік пен шапшандықтың арқасында қарсыласын сан соқтыратын бұл спорт түрін көпшілік түсіне бермейді. Алаңда төбелесе кететін спортшылар, бірін-бірі аямай, соққының астына алады. Тез әрекет жасап, түрлі әдісті пайдаланған спортшы ғана жеңіс тұғырына көтеріледі.

Атқарушылық іс жүргізу бойынша туындайтын қатынастардың табиғаты туралы және атқару өндірісінің Қазақстан Республикасының құқық жүйесінде алатын орны туралы сұрақтар заң ғылымында даулы болып табылады. Қазіргі ғылымда көпшілік ғалымдардың пікірі бойынша атқару өндірісі азаматтық процесстің соңғы сатысы болып табылады. Кейбір авторлардың пайымдауы бойынша, сот төрелегін және атқарушылық өндірісті жүзеге асыру бойынша бір текті емес қатынастар қалыптасатындығына қарамастан, бұл дәстүрлі бағыт болып есептеледі. Көрсетілген пікір, ең алдымен, азаматтық іс жүргізу құқығының пәнінің анықтамасына, сондай-ақ азаматтық істерді қарастырудың ақырғы мақсаты заңды күшіне енгеннен кейін жалпыға міндетті болатын заңды және негізді сот шешімін шығаруға негізделеді. Осы белгісіне байланысты соттың және атқару органдарының тарапынан сот шешімін орындау бойынша мәжбүрлі әрекет ету азаматтық процесстің жалғасы болып табылады.